2018 އަށް ލަފާކޮށް ދައުލަތުން ހުށައެޅި ބަޖެޓުގެ މައުލޫމާތު ހިމެނޭ މޯބައިލް އެޕްލިކޭޝަނެއް ތައާރަފްކޮށްފިއެވެ. މޯބައިލް މި އެޕލްކޭޝަނާއި އެކު ފިނޭންސް މިނިސްޓްރީން ވަނީ އަންނަ އަހަރުގެ ބަޖެޓްގެ މައުލޫމާތުތައް ހިމެނޭ ވެބްސައިޓާއި ލުއި ފޮތެއްވެސް ނެރެފައެވެ.
ފިނޭންސް މިނިސްޓްރީގައި ބޭއްވި ރަސްމިއްޔާތެއްގައި ބަޖެޓް ލުއިފޮތާއި ބަޖެޓް އެޕްލިކޭޝަން ތަޢާރަފްކޮށްދެއްވީ 1982ވަނަ އަހަރުން ފެށިގެން 2016 ވަނަ އަހަރާހަމައަށް ބަޖެޓް ތައްޔާރުކުރުމުގައި އެމިނިސްޓްރީން އެންމެ އިސްކޮށް އުޅުއްވި އިބްރާހިމް ރަޝީދެވެ.
އިބްރާހިމް ރަޝީދު ކުރެއްވި މަސައްކަތުގެ އަގުވަޒަން ކުރުމުގެ ގޮތުން މިރަސްމިއްޔާތުގައި އޭނާއަށްވަނީ ހަނދާނީ ފިލައެއް ދީފައެވެ.
މިރަސްމިއްޔާތުގައި ވާހަކަދައްކަވަމުން ފިނޭންސް މިނިސްޓަރ އަޙުމަދު މުނައްވަރު ވިދާޅުވީ، ބަޖެޓްގައިވާ މަޢުލޫމާތު ރައްޔިތުންނަށް ދިރާސާ ކުރެވޭނެގޮތަށް މަޢުލޫމާތު ފޯރުކޮށްދިނުމަކީ ވަރަށް މުހިންމުކަމެއްކަމަށެވެ. ފިނޭންސް މިނިސްޓްރީގެ ވެބްސައިޓްގައި ކޮންމެ މަހަކު އެއްފަހަރު ބަޖެޓާބެހޭ މަޢުލޫމާތު ހިއްސާ ކުރައްވަމުން ގެންދަވާކަން ފާހަގަކުރައްވާ މިނިސްޓަރ މުނައްވަރު ވިދާޅުވީ، ވެބްސައިޓްގައި ޝާއިރު ކުރުމުގެ އިތުރަށް މި އަންނަ އަހަރުން ފެށިގެން ކޮންމެ މަހަކު ބަޖެޓާ ބެހޭ އެންމެ ފަހުގެ މަޢުލޫމާތު ހިމެނޭ ފޮތެއް ޝާއިރު ކުރައްވާނެކަމަށެވެ.
ބަޖެޓް ގެ މޯބައިލް އެޕްލިކޭޝަން ތިރީގައި މިވާ ލިންކް ތަކުން ޑައުންލޯޑް ކުރެވޭނެއެވެ.
https://play.google.com/store/apps/details?id=mv.gov.finance.budget
https://itunes.apple.com/us/app/budget-2017/id1280403107?ls=1&mt=8
ބަޖެޓް ވެބްސައިޓްގެ އެޑްރެހަކީ :
މި އެޕްލިކޭޝަންގެ އެންމެ ބޮޑުބޭނުމަކީ ޖެކްނޮލޮޖީ ބޭނުންކޮށްގެން ބަޖެޓާބެހޭ މަޢުލޫމާތު ރައްޔިތުންނާއި ހަމައަށް ހިއްސާކުރުމެވެ.
