މިނިސްޓްރީ އޮފް ފިނޭންސް އިން މަސައްކަތް ކުރަނީ ދިވެހިރާއްޖޭގެ މާލީ އަދި އިޤްތިސާދީ ދާއިރާ ކުރިއަރުވާ އިތުރަށް ހަރުދަނާ ކުރުމަށެވެ. މިނިސްޓްރީގެ މައިގަނޑު ޒިންމާތަކުގެ ތެރޭގައި ދައުލަތުގެ ފިސްކަލް އަދި ދަރަންޏާ ގުޅޭ ސިޔާސަތުތައް އެކުލަވާލައި ތަންފީޒުކޮށް، ދައުލަތުގެ ބަޖެޓު ތައްޔާރުކުރުން ހިމެނެއެވެ. މީގެ އިތުރުން ދައުލަތުގެ މާލީ ހިސާބުތައް ނިންމުމަށްފަހު ރައްޔިތުންގެ މަޖިލީހުގެ އިދާރާއަށް ހުށަހެޅުމާއި ދައުލަތުގެ ހަރުމުދާތައް ބެލެހެއްޓުން ހިމެނެއެވެ.
މިނިސްޓްރީ އޮފް ފިނޭންސްގެ އަމާޒަކީ (މިޝަންއަކީ) މެކްރޯ އިކޮނޮމިކްގެ އިޤްތިޞާދީ އޮނިގަނޑު ދެމެހެއްޓެނިވި އުފެއްދުންތެރި ގޮތެއްގައި ކުރިއަރުވައި، އިންފްލޭޝަން މައްޗަށް ދިޔަނުދީ ހިފަހެއްޓޭނެ މާލީ ސިޔާސަތެއް ޤާއިމް ކުރުމެވެ.
މިނިސްޓްރީ އޮފް ފިނޭންސްގެ ތަސައްވުރަކީ މެދުމިނެއްގެ މަތީފެންވަރުގެ އިޤްތިޞާދީ ގިންތިއެއްގައި ޤައުމު ކުރިއަށްގޮސް، އިޤްތިޞާދީ ހަރުދަނާ ރޭވުންތެރި މާލީ ސިޔާސަތުތަކެއްގެ ތެރެއިން ބައިނަލްއަޤްވާމީ އުސޫލުތަކާ އެއްގޮތްވާ ގޮތުގެމަތިން، ދެމެހެއްޓެނިވި ގޮތެއްގައި، ޒަމާނީ ޓެކްނޮލޮޖީގެ އެހީތެރިކަމާއެކު ކުރިއަށް ދިޔުމެވެ.
- މިނިސްޓްރީގެ ކޮމެޓީތައް
