ކުވެއިތު ފަންޑް ފޮރ އަރަބް އިކޮނޮމިކް ޑިވެލޮޕްމަންޓް (ކުވައިތު ފަންޑް) އަކީ މެދު އިރުމަތީގައި އުފެދުނު ފުރަތަމަ ބައިނަލްއަގުވާމީ ތަރައްޤީއަށް މަސައްކަތް ކުރާ އިދާރާއެވެ. މި އިދާރާ އުފައްދާފައި ވަނީ 1961 ވަނަ އަހަރުގެ ޑިސެމްބަރު މަހުގައެވެ. މި އިދާރާއިން ދުނިޔޭގެ ކުރިއަރަމުންދާ ގައުމުތަކުގެ ތަރައްޤީގެ މަޝްރޫޢުތަކަށް ލޯނު ފޯރުކޮށްދެއެވެ. އަދި މި ގައުމުތަކަށް މަޝްރޫއުތަކުގެ ފީސިބިލިޓީ ސްޓަޑީ ހެދުމާއި ސަރުކާރު މުވައްޒަފުން ތަމްރީނުކުރުމުގެ ގޮތުން ޓެކްނިކަލް އެސިސްޓަންސް ވެސް ފޯރުކޮށްދެއެވެ. ކުވައިތު ފަންޑުގެ މައިގަނޑު އޮޕަރޭޝަން އަމާޒުކުރެވިފައި ވަނީ ދަނޑުވެރިކަން، ދަތުރުފަތުރު، މުވާސަލާތީ ހިދުމަތް، ހަކަތަ، އަދި ފެނާއި ނަރުދަމާގެ ދާއިރާތަކަށެވެ.
ކުވައިތު ފަންޑުން 1970ގެ އަހަރުތަކުން ފެށިގެން އަންނަނީ ދިވެހިރާއްޖެއަށް ލޯނު، ހިލޭ އެހީ އަދި ޓެކްނިކަލް އެސިސްޓަންސްގެ ގޮތުގައި އެހީ ފޯރުކޮށްދެމުންނެވެ. ކުވައިތު ފަންޑުން ދިވެހިރާއްޖެއަށް އެންމެ ފުރަތަމަ އެހީ ފޯރުކޮށްދީފައިވަނީ 1976 ވަނަ އަހަރު އެއަރޕޯޓް މަޝްރޫއަށް ދޫކޮށްފައިވާ ލޯނަކުންނެވެ. އޭގެ ފަހުން ތަފާތު އެކި މަޝްރޫއުތައް ހިންގުމަށް ކުވައިތު ފަންޑުން ދަނީ އެހީ ފޯރުކޮށްދެމުންނެވެ.
| އަހަރު | މަޝްރޫއު | ފައިސާ | އަދަދު |
| 2017 | ފުވައްމުލައް އީސްޓަރން ކޯސްޓަލް ޕްރޮޓެކްޝަން ޕްރޮޖެކްޓް
| ކުވައިތީ ދީނާރު | 3,600,000 |
| 2016 | އެކްސްޕޭންޝަން އެންޑް އަޕްގްރޭޑިންގ އޮފް އިބްރާހީމް ނާޞިރު އިންޓަރނޭޝަނަލް އެއަރޕޯޓް | ކުވައިތީ ދީނާރު | 15,000,000 |
| 2014 | ޑިވެލޮޕްމަންޓް އޮފް ވޯޓަރ ސަޕްލައި އެންޑް ސުވަރެޖް ފެސިލިޓީސް ޕްރޮޖެކްޓް އިން ފުވައްމުލައް އައިލެންޑް | ކުވައިތީ ދީނާރު | 3,200,000 |
| 2005 | ސެކަންޑް ލޯން ފޮރ ފައިނޭންސިންގ މާލެ އިންޓަރނޭޝަނަލް އެއަރޕޯޓް އަޕްގްރޭޑިންގ ޕްރޮޖެކްޓް | ކުވައިތީ ދީނާރު | 1,400,000 |
| 2005 | ރިހެބިލިޓޭޝަން އޮފް ސުނާމީ ޑެމޭޖްޑް ޔުޓިލިޓީޒް | ކުވައިތީ ދީނާރު | 2,455,619 |
| 1999 | މޯލްޑިވްސް ޕޯޓްސް ޑިވެލޮޕްމަންޓް ޕްރޮޖެކްޓް
| ކުވައިތީ ދީނާރު | 4,492,460 |
| 1998 | މާލެ އިންޓަރނޭޝަނަލް އެއަރޕޯޓް އަޕްގްރޭޑިންގ 4 | ކުވައިތީ ދީނާރު | 2,976,327 |
| 1992 | މާންދޫ އައިލެންޑް ފިޝަރީޒް ޕްރޮޖެކްޓް | ކުވައިތީ ދީނާރު | 2,799,706 |
| 1987 | އެއަރޕޯޓް ޕްރޮޖްކްޓް/އެކްސްޓެންޝަން | ކުވައިތީ ދީނާރު | 2,500,000 |
| 1980 | ފިޝްވެލްތު އެކްސްޕްލޮއިޓޭޝަން ޕްރޮޖެކްޓް | ކުވައިތީ ދީނާރު | 2,900,000 |
| 1980 | މަރޝަންޓް ޝިޕިންގ | ކުވައިތީ ދީނާރު | 1,026,008 |
| 1976 | އެއަރޕޯޓް ޕްރޮޖެކްޓް | ކުވައިތީ ދީނާރު | 2,150,000 |
