ސައުދީ ފަންޑް ފޯ ޑިވެލޮޕްމަންޓް (ސައުދީ ފަންޑް) އުފެދިފައިވަނީ 1 ސެޕްޓެމްބަރ 1974 ގައެވެ. އަދި މި ފަންޑުގެ އަމަލީ މަސައްކަތް ފަށާފައިވަނީ 1 މާރިޗު 1975 ގައެވެ. ސައުދީ ފަންޑުގެ މައިގަނޑު މަސައްކަތަކީ ކުރިއަރަމުންދާ ގައުމުތަކުގެ އެކިއެކި މަޝްރޫޢުތަކަށް ލޯނާއި ހިލޭ އެހީގެ ގޮތުގައި މާލީ އެހީތެރިކަން ފޯރުކޮށްދިނުމާއި، ތައުލީމާއި ހުނަރުވެރިކަން ކުރިއެރުވުމަށް ހިލޭއެހީ ދިނުމާއި، ތެލުގެ ވިޔަފާރި ނޫން އެހެން އެކްސްޕޯޓަށް މާލީ އެހީތެރިކަން ފޯރުކޮށްދިނުމާއި ގެރެންޓީދިނުމެވެ. މި ފަންޑަކީ ސައުދީ ސަރުކާރުގެ ހިއްސާ އޮންނަ މިނިވަން މުއައްސަސާއެއްގެ ގޮތުގައި މަސައްކަތްކުރާ އިދާރާއެކެވެ.
ދިވެހިރާއްޖެއަށް އެންމެ ފުރަތަމަ ސައުދީ ފަންޑުން ލޯނެއް ދޫކޮށްފައިވަނީ 1978 ގައި މާލޭގެ ބައިނަލްއަޤްވާމީ ވައިގެ ބަނދަރު ތަރައްޤީކުރުމުގެ މަޝްރޫޢަށެވެ. ސައުދީ ފަންޑުން ވަނީ ދަތުރުފަތުރުގެ ނިޒާމު ހަރުދަނާކުރުމާއި، ސިއްޙީ ދާއިރާ، ބަނދަރު ތަރައްޤީކުރުން، ފެނާއި ނަރުދަމާގެ މަޝްރޫއުތައް، ބޯހިޔާވަހިކަމުގެ މަޝްރޫއުތައް އަދި ބަޖެޓް ސަޕޯޓަށް އެހީތެރިކަން ފޯރުކޮށްދީފައެވެ. ސައުދީ ފަންޑުންދަނީ މިހާރުވެސް ދިވެހިރާއްޖޭގެ ތަރައްޤީގެ ބޮޑެތި މަޝްރޫޢުތަކަށް ބޭނުންވާ މާލީ އެހީތެރިކަން ފޯރުކޮށްދެމުންނެވެ. މިވަގުތު ސައުދީ ފަންޑުން ހިންގަމުންދާ މަޝްރޫޢުތަކުގެ ތެރޭގައި ހުޅުމާލެ ދެވަނަ ފިޔަވަހި ތަރައްޤީކުރުމުގެ މަޝްރޫއާއި ސ. ހިތަދޫ ރީޖަނަލް ހޮސްޕިޓަލް ގާއިމްކުރުން ހިމެނެއެވެ. މީގެ އިތުރުން ވެލާނާ އިންޓަނޭޝަނަލް އެއާޕޯޓް ތަރައްޤީ ކުރުމުގެ މަޝްރޫއަށް ދަނީ ކޯފައިނޭންސް ކޮށްދެއްވަމުންނެވެ.
ސައުދީ ފަންޑާއި ދިވެހިރާއްޖޭގެ ގުޅުން
| އަހަރު | މަޝްރޫއު | ފައިސާ | އަދަދު |
| 2020 | އެފޯޑަބަލް ހައުސިންގ ސްކީމް ޕްރޮޖެކްޓް | ސައުދީ ރިޔާލް | 93,750,000 |
| 2020 | ފިޝަރީޒް ސެކްޓަރ ޑިވެލޮޕްމަންޓް ޕްރޮޖެކްޓް | ސައުދީ ރިޔާލް | 93,750,000 |
| 2016 | އިބްރާހީމް ނާޞިރު އެއަރޕޯޓް އަޕްގްރޭޑް ޕްރޮޖެކްޓް
| ސައުދީ ރިޔާލް | 375,000,000 |
| 2015 | ޑިވެލޮޕްމަންޓް އޮފް ހުޅުމާލެ އައިލެންޑް | ސައުދީ ރިޔާލް | 300,000,000 |
| 2011 | ސ. ހިތަދޫ ރީޖަނަލް ހޮސްޕިޓަލް ޕްރޮޖެކްޓް | ސައުދީ ރިޔާލް | 47,000,000 |
| 2010 | ރީކޮންސްޓްރަކްޝަން އެންޑް ޑިވެލޮޕްމަންޓް އޮފް ގއ. ޕްރޮޖެކްޓް | ސައުދީ ރިޔާލް | 30,000,000 |
| 2009 | ރީކޮންސްޓްރަކްޝަން އޮފް ފިޝިންގ ހާބަރސް އިން މޯލްޑިވްސް | ސައުދީ ރިޔާލް | 56,250,000 |
| 2008 | ޕްރޮގްރާމް އޮފް ރިޕެއަރސް އޮފް ޑެމޭޖަސް ރިޒަލްޓެޑް ފްރޮމް ސުނާމީ | ސައުދީ ރިޔާލް | 56,250,000 |
| 2006 | ރީކޮންސްޓްރަކްޝަން އެންޑް ޑިވެލޮޕްމަންޓް އޮފް ގއ. | ސައުދީ ރިޔާލް | 45,000,000 |
| 1999 | އެއަރޕޯޓް އަޕްގްރޭޑިންގ ޕްރޮޖެކްޓް ފޭސް 4 | ސައުދީ ރިޔާލް | 16.654,164 |
| 1992 | އެއަރޕޯޓް އެކްސްޕޭންޝަން | ސައުދީ ރިޔާލް | 34,144,150 |
| 1984 | ވޯޓަރ ސަޕްލައި އެންޑް ސުވަރޭޖް ޕްރޮޖެކްޓް | ސައުދީ ރިޔާލް | 14,252,835 |
| 1981 | އެއަރޕޯޓް ޕްރޮޖެކްޓް | ސައުދީ ރިޔާލް | 9,265,053 |
| 1978 | އެއަރޕޯޓް ޕްރޮޖެކްޓް | ސައުދީ ރިޔާލް | 31,150,000 |
ވެބްސައިޓް: https://www.sfd.gov.sa
